Yol polisi Bakıda genişmiqyaslı reydlər keçirib: yüzlərlə sürücü və piyada cərimələnib - VİDEO
Yol polisi 10 Aprel 2021 20:35 Oxunub 14102
Yol polisi Bakıda genişmiqyaslı reydlər keçirib:  yüzlərlə sürücü və piyada cərimələnib   - VİDEO

"Çoxsaylı vətəndaşların müraciəti əsasında hüquqazidd hərəkətlərin qarşısının alınması üçün yol polisi gücləndirilmiş iş saatı ilə xidmət təşkil edib." Bunu Avtosfer.az"a Bakı şəhər Dövlət Yol Polisi İdarəsinin bölmə rəisi,  polis polkovniki Vaqif Əsədov deyib. Bölmə rəisi bildirib ki, Bakı şəhər Baş Polis İdarəsi rəsisinin əmrinə əsasən əlavə tədbirlər planı hazırlanıb. "Bu tədbirlər planının tələbinə uyğun Bakı şəhərinin inzibati ərazisi küçə və yollar yol polisi tərəfindən tam nəzarətə götürməklə xidmət təşkil edilib. Belə ki, yollarda nəqliyyat hadisələrinin qarşısının alınması xüsusilə piyadaların avtomobillərlə vurulması, yarana biləcək süni sıxlığın qarşısının alınması üçün proflaktiki tədbirləin görülməsi,  yol hərəkət qaydalarını kobud şəkildə pozulması və digər hallara qarşı mübarizə tədbirləri davam edir." Vaqif Əsədov bildirib ki,  proflaktiki tədbirlərin keçirilməsi ilə yanaşı inzibati tənbeh tədbirlərinin də tətbiq edilməsi üçün bu gün yol polisləri fəaliyyət göstərir.
"Əsas məqsəd maarifləndirici tədbirlər həyata keçirməkdir. Eyni zamanda dayanma-durma qaydalarını pozan,  piyadalara yol verməyən,  müxtəlif yol hərəkəti qaydalarını pozan sürücülərlə söhbətlər aparılıb,  bəziləri barəsində inzibati qaydada protokol tərtib edilib.  Həmçinin piyadalar da maarifləndirilib,  onlara keçidlərdən istifadə etməyin vacibliyi bildirib."
Qeyd edək ki, gün boyu paytaxtın müxtəlif ərazilərində təşkil olunan tədbirlər zamanı yüzlərlə sürücü və piyada ilə maarifləndirici söhbətlər aparılıb,  inzibati protokollar tərtib olunub. Yol polisi analoji reydləri davam etdirəcək.

Orxan 

FOTO QALEREYA
ŞƏRH YAZ
Ad

E-mail

Şərh