Yol polisi əməkdaşından qeyri-adi hərəkət: əmrə tabe olmayan motosikletçini bu cür yaxaladı - VİDEO

Yol polisi əməkdaşının qayda pozan motosikletçinin qeyri-adi üsulla saxlama görüntüləri sosial şəbəkədə yayımlanıb. Avtosfer.az xəbər verir ki, hadisə Rusiyada baş verib.

Kadrlarda, motosiklet sürücüsünün hərəkətdə olduğu və bu zaman ərazidə xidmət aparan yol polisi əməkadşının ona “Saxla” əmrini verdiyi görülür.

Polisin əmrinə tabe olmayan motosikletçi qaçmağa çalışsada lakin uzağa gedə bilməyib.

Belə ki, polis əməkdaşı əlindəki jezli (hərəkəti tənzimləmək üçün çubuq) elə atıb ki, çubuq motosikletçinin baş nahiyəsinə dəyib. Zərbənin təsirindən müvazinətini itirən sürücü qarşısında park etdilmiş avtomobilə toxunub və polis əməkdaşı onu yaxalayıb.

Digər təfərrüatlarla bağlı məlumat verilmir.

Namiq Musayev