Yol polisi sürücünü qayda pozduğu üçün saxladı, sonra isə ona kömək etdi – ANBAAN VİDEO

Azərbaycanda polisin vətəndaşlara qayğısı və humanist davranışı bir daha diqqət mərkəzinə çevrilib.

Avtosfer.az xəbər verir ki, paytaxtda baş verən bu hadisə sosial şəbəkələrdə böyük rəğbətlə qarşılanıb. Yol Patrul Xidməti (YPX) əməkdaşları hər zaman olduğu kimi, bu dəfə də vətəndaşın çətin vəziyyətində yardımına yetiblər.

Belə ki, patrul avtomobili hərəkətdə olan bir nəqliyyat vasitəsini saxlayıb. Bu zaman sürücü polislərə avtomobildəki azyaşlının vəziyyətinin qəfil pisləşdiyini bildirərək, təcili şəkildə xəstəxanaya çatmağa kömək istədiyini deyib. Sürücünün vəziyyətini anlayan YPX əməkdaşları dərhal vəziyyəti nəzarətə alaraq, təcili qərar veriblər. Onlar xidməti avtomobillərinə minib, xüsusi siqnal işıqlarını yandıraraq ailənin olduğu nəqliyyat vasitəsinə müşayiət ediblər.

Polis əməkdaşlarının bu addımı nəticəsində uşaq tıxac və digər yol maneələri olmadan xəstəxanaya vaxtında çatdırılıb. Polislərin bu davranışı həm peşəkarlıq, həm də insanlıq nümunəsidir. Onların məqsədi yalnız qayda-qanunu qorumaq deyil, həm də vətəndaşların təhlükəsizliyini və rifahını təmin etməkdir.

Paytaxt yollarında yaşanan bu insani jest polisin vətəndaşa olan səmimi münasibətini və xidmət borcuna vicdanla yanaşdığını bir daha göstərib.

Eltac Zülfüqaroğlu