Yol polisi yanmış uşağı xəstəxanaya belə çatdırdı - VİDEO

Vətəndaşların tez-tez çətinliyə düşən zaman polis əməkdaşlarına müraciət etmələri ilə bağlı videolar sosial şəbəkələrdə mütamadi olaraq paylaşılır. Avtosfer.az xəbər verir ki, Baş Dövlət Yol Polisi İdarəsinin rəsmisi, polis polkovnik-leytenantı Rövşən Tağıyev vətəndaşlardan birinin göndərdiyi videonu sosil şəbəkə hesabında paylaşıb. Görüntülərdən də aydın olduğu kimi şəxs yağışlı havada ərazidə xidmət aparan 99-YP-432 dövlət nömrə nişanlı patrul avtomobilə yaxınlaşır. 

Yanıq xəsarətləri olan uşağın xəstəxanaya çatdırılması üçün köməklik istəyir. DYP əməkdaşları dərhal reaksiya verərək vətəndaşın köməyinə çatır. Belə ki, avtomobili müşaəy edərək yolu açır və xəstə vaxtında xəstəxanaya çatdırılır. 

DYP rəsmisi Rövşən Tağıyev paylaşdığı videoda "Ehtiyac olduğunda polisdən kömək istəməkdən çəkinməyin!" cümləsini də qeyd edib. 

Videonu təqdim edirik:

Orxan