Yol polisi yolda qalan taksi sürücüsünə belə kömək edir - VİDEO

Yol polisi əməkdaşları yolda qalan taksi sürücüsünün köməyinə gəlib. Hadisə Bakı-Sumqayıt yolunda baş verib. Avtosfer.az-a oxuculardan birinin göndərdiyi video dünən çəkilib. Oxucu bildirib ki, Baş Dövlət Yol Polisi İdarəsinin Yol-Patrul Xidməti Alayının 1-ci tağımının 99 YP 756 nömrəli avtopatrul maşınında xidmət aparan əməkdaşları yol kənarında dayanmış maşına yaxınlaşıblar. Taksi sürücüsü avtomobilin xoda düşmədiyini, benzinin qurtardığını bildirib. Yol polisi əməkdaşlarından biri maşından düşərək taksini itələyib kənara çıxarmağa kömək edib, digər əməkdaş isə arxadan maşınla onların təhlükəsizliyini təmin edib. Daha sonra yol polisləri sürücü ilə birlikdə xidməti maşınla yanacaqdoldurma məntəqəsinə gedib yanacaq alaraq yenidən geri qayıdıblar. Az sonra sürücü yol polislərinə təşəkkür edərək yoluna davam edib.

Avtosfer.az həmin görüntüləri təqdim edir:

Elmin