Yol polisi yollardakı çatışmazlıqları aradan qaldırır - VİDEO

DİN BDYPİ-yə bilavasitə tabe olan “Siqnal” İxtisaslaşdırılmış Layihə-İstehsalat İdarəsi layihələrin icrasını mərhələli şəkildə davam etdirir.

Avtosfer.az xəbər verir ki, Baş İdarə regionlarda yol infrastrukturunda nizamlama vasitələrinin tətbiqi vəziyyətinin nəzarətdə saxlanılması, eləcə də nöqsan və çatışmazlıqları aradan qaldırılması istiqamətində faliyyətini daha da gücləndirir. Bu məqsədlə, “Siqnal” İLİ və regional istismar sahələri yerli icra hakimiyyəti orqanları ilə qarşılıqlı əlaqədə fəaliyyət göstərərək icraya verilmiş layihələrin həyata keçirilməsini mərhələli şəkildə davam etdirir. Hazırda Tovuz rayonunda istismar müddəti keçmiş, mənaları anlaşılmayan yol nişanlarının işıqqaytarıcı elementləri olan yeniləri ilə əvəz edilməsi, silinmiş nişanlanma xəttlərinin, yol-çizgi işarələrinin bərpası həyata keçirilir.