Yol polisindən nümunəvi addım: Quşun həyatını xilas etdi - VİDEO

Bakıda yol polisinin nümunəvi davranışı digər sürücünün diqqətindən yayınmayıb. Avtosfer.az xəbər verir ki, 99-YP-498 dövlət qeydiyyat nişanlı yol polisi avtomobilinin sürücüsü qəfil əyləci basaraq yolun hərəkət hissəsində dayanıb. İlk anda bu dayanmanın səbəbi anlaşılmasa da, bir qədər sonra məsələ aydınlaşıb.

Məlum olub ki, polis əməkdaşı yolun ortasına çıxmış göyərçini əzməmək üçün avtomobili saxlayaraq quşun səkiyə keçməsini gözləyib. Onun diqqətli və məsuliyyətli davranışı nəticəsində göyərçinin həyatı xilas olunub. Videodan da aydın görünür ki, sürücü dayanmasaydı, quş avtomobilin altında qalaraq tələf ola bilərdi.

Bu hadisə bütün sürücülər üçün yaxşı nümunədir. Yolda hərəkət edərkən qaydalara əməl etməklə yanaşı, ətrafda olan canlılara qarşı diqqətli və həssas olmaq da böyük əhəmiyyət daşıyır. Təəssüf ki, bəzən sürücülərin laqeydsizliyi heyvanların tələf olması ilə nəticələnir.

Fərid