Yol polisindən valideynlərə MÜRACİƏT

Bu ilin ilk 10 ayı ərzində məktəbli yaşlı uşaqların avtomobil idarə edilməsi üzrə 20-yə yaxın fakt aşkar edilib. Avtosfer.az baku.ws-ə istinadən xəbər verir ki, bu barədə salamnews-un sualını cavablandıran Bakı şəhər Dövlət Yol Polisi İdarəsinin bölmə rəisi, polis polkovniki Vaqif Əsədov deyib ki, yalnız 18 yaşına çatmış şəxslərə sürücülük vəsiqəsi verilir: "Məktəbdə təhsil alan və 18 yaşı tamam olmayan şagirdlərin isə avtomobil idarə etməsi qadağandır və qanuna ziddir. Mən bəzi valideynlərə müraciət edərək bildirirəm ki, əgər övladları 18 yaşına çatmayıbsa və bu sahədə təcrübələri yoxdursa, onlara öz avtomobillərini etibar etməsinlər. Bu, çox təhlükəli və qanuna zidd hərəkətdir".

V.Əsədov deyib ki, Dövlət Yol Polisi İdarəsi məktəblərdə bu sahədə bir sıra maarifləndirici tədbirlər keçirir.