Yol polisinin belə işləri də var – VİDEO

Bu dəfə sürücü Bakıda yaşlı qadına yolu keçməkdə kömək inspektorun videosunu çəkib və Avtosfer.az-a göndərib. Hadisə dünən “Neftçilər” metrostansiyasının yaxınlığında – Rüstəm Rüstəmov küçəsində baş verib. Sürücü Avtosfer.az-a bildirib ki, 99 YP 503 dövlət nömrə nişanlı DYP avtomobilində xidmət aparan Vüsal adlı polis serjantı yolu keçmək istəyən qadına kömək edib. Yaşlı qadının yolu keçməkdə çətinlik çəkdiyini görən inspektor maşından düşərək onun əlindən tutub və yolu təhlükəsiz şəkildə keçirib. Onun bu hərəkəti sürücüdə maraq oyadıb və video çəkərək bizə göndərib.

Belə məqamlara diqqət yetirdiyi üçün həmin sürücüyə təşəkkür edirik. Yol polisinin neqativ əməllərindən danışarkən belə işlərinə də qiymət vermək lazımdır. 

Elməddin