Yol polisinin rüşvət videosu köhnə çıxdı - Açıqlama

Bu gün sosil şəbəkələrdə Bakı Şəhər Dövlət Yol polisinə məxsus 10 YP 414 dövlət nömrə nişanlı avtomobildə xidmət aparan əməkdaşların rüşvət almasını əks etdirən video yayılıb. Məsələ ilə bağlı Avtosfer.az-a açıqlama verən Bakı Şəhər Dövlət Yol Polisi İdarəsinin bölmə rəisi, polkovnik Vaqif Əsədov bildirib ki, həmin görüntülərdən xəbərdardır və video köhnədir.  Həmin vaxt da görüntülər sosial şəbəkələrdə yayıldığı üçün DYP rəhbərliyi tərəfindən araşdrıma aparılıb. Araşdırmanın nəticəsi olaraq müvafiq tədbirlər görülüb. 

Avtosfer.az bildirir ki, həqiqətən də bu görüntülər köhnədir və daha əvvəl sosial şəbəkələrdə yayılıb. Avtomobilin dövlət nömrə nişanından və üzərindəki sayrışan işıqlardan da görünür ki, kadrlar təxminən 3 il əvvələ aiddir. Çünki artıq bir neçə ildir ki, YPX əməkdaşlarına verilən avtomobillərin dövlət nömrə nişanları 99-la əvəz olunub.

Orxan