Yol polisləri bu kəndlərdə sərxoş sürücü tapa bilmir

Bakı kəndlərində yol polisləri ilə bağlı maraqlı əhvalat yayılıb. Avtosfer.az-a bu barədə Buzovna qəsəbəsi sakinlərindən biri danışıb. O bildirib ki, yol polisləri Bakının Bilgəh, Buzovna, Mərdəkan, Şüvəlan kəndlərində tez-tez reydlər keçirir, xüsusən də gecə vaxtı sərxoş sürücülərə qarşı sərt mübarizə aparırlar. Bir gün bir neçə yol polisi qərara gəlir ki, Nardaran və Maştağada da reyd keçirsinlər. Bu minvalla əvvəlcə Nardarana, sonra isə Maştağaya üz tuturlar. Məlumdur ki, bu kəndlərdə dinə meylli insanların sayı çoxdur. Yol polisləri bunu nəzərə almadan bir neçə sürücünü saxlayıb alkotetserlə yoxlayırlar. Hansı sürücü aparata üfləyirsə, hamısı təmiz çıxır. Sərxoş sürücü tapa bilmədiklərini görən yol polisləri bir-birinin üzünə baxır. İçərilərindən biri onlara göstəriş verir:

- Buradan bir şey çıxmaz, getdik Buzovnaya…

Fərid