Yol polisləri dəm qazından boğulan şəxsi belə xilas etdi - ANBAAN VİDEO

Sumqayıt şəhər Dövlət Yol Polisi Şöbəsinin əməkdaşları dəm qazından boğulan xəstəni xilas edib. Avtosfer.az xəbər verir ki, sözügedən görüntülər sosial şəbəkədə geniş yayılıb. Belə ki, Sumqayıtda sürücü dəm qazından boğulan qadını öz şəxsi avtomobili ilə xəstəxanaya çatdırmağa çalışıb. Öndə hərəkətdə olan yol polisi maşınını görəndə ona səs və işıq siqnalları vasitəsilə işarə edib. Polis nə baş verdiyini soruşub və sürücü məsələni izah edib. Yol polisi dərhal önə keçib, səs və işıq siqnallarını yandıraraq xəstəni daşıyan maşın üçün yol açıb. Xəstəxanaya kimi vətəndaşa kömək edən polis həm xəstənin həyatını xilas edib, həm də həmin sürücü və digər nəqliyyat vasitələri üçün təhlükəsizliyi təmin edib.

Hadisə anbaan avtomobildə olan videoregistratorda qeydə alınıb. DYP əməkdaşının nümunəvi hərəkəti isə sosial şəbəkədə böyük maraqla qarşılanıb.

Məhəbbət Tərlanoğlu