Yol polisləri yolda halı pisləşən xanım sürücüyə belə kömək etdi - VİDEO

Baş Dövlət Yol Polis İdarəsinin Yol Patrul Xidmət Alayının 1-ci tağımının əməkdaşları yolda halı pisləşən xanım sürücüyə kömək ediblər. Avtosfer.az xəbər verir ki, xanım sürücüyə kömək edən Saray postunun əməkdaşları təhlükəsizlik qaydalarına əməl etməklə onu vaxtında xəstəxanaya çatdırıblar.

Sürücünün həyat yoldaşı bildirib ki, xanımı avtomobili idarə edərkən halı pisləşib və o, maşını yolun kənarına verərək saxlayıb. Həmin an oradan 99-YP-994 dövlət nömrə nişanlı avtomobillə keçən Vasif və Şükür adlı yol patrul xidməti əməkdaşları vəziyyəti görərək dərhal maşına yaxınlaşıblar:

“Yol polisləri yoldaşımı Sumqayıt şəhər xəstəxanasına çatdırıblar. Onların nəzarəti altında lazım olan tibbi tədbirlər görülüb”.

O, göstərilən köməyə görə yol patrul xidmətinin əməkdaşlarına, Daxili İşlər Naziriliyinə və DYP rəhbərliyinə təşəkkür edib.