Zibil qutularının önündə avtomobil saxlayanlara unikal cəza TƏKLİF OLUNUR - VİDEO

Yol polisi 10 İyun 2024 22:42 Oxunub 586
Zibil qutularının önündə avtomobil saxlayanlara unikal cəza TƏKLİF OLUNUR   - VİDEO
WhatsApp kanalımıza abunə ola bilərsiniz

Paytaxtın Abbas Mirzə Şərifzadə küçəsində yol polisi əməkdaşları avtomobilini yolun hərəkət hissəisinin ikinci zolağında saxlayan sürücülərə qarşı tədbir keçirilib. 

Avtosfer.az xəbər verir ki, tədbir zamanı yolun buraxıcılıq qabiliyyətini azaldan sürücülərlə profilaktik söhbətlər aparılıb. Bəzi sürücülər barəsində isə qanunamüvafiq tədbir görülüb.

Bakı Şəhər Dövlət Yol Polisi İdarəsinin bölmə rəisi, polis kapitanı Toğrul Nəsirli bildirib ki, avtomobillərin belə park edilməsi yolda sıxlıqla yanaşı, qəza şəraiti üçün zəmin yaradır.

Avtosfer.az saytının rəhbəri nəqliyyat eksperti Elməddin Muradlı qeyd edib ki, inkişaf etmiş ölkələrdə zibil qablarının önündə park edilən avtomobillərin sürücülərini vətəndaşlar özləri cəzalandırır: “Vətəndaşlar zibili qutuların əvəzinə, məhz avtomobillərin üzərinə atır ki, bu da sürücülər üçün bir dərs olur. Sürücülərin bu formada avtomobil saxlaması həm vətəndaşların zibili rahat atmasına, həm də kommunal təsərüfat işçilərinin qutuları təmizləməsinə mane olur. Ümid edirəm ki, xaricdəki “cəza” üsulunu bizim vətəndaşlar da tətbiq edər. Bəlkə bu sürücülərə dərs olar”.

Məhəbbət Tərlanoğlu

 

ŞƏRH YAZ
Ad

E-mail

Şərh