Bakıda «Shaqman» keçidə çırpıldı - FOTO

Xocasəndə yük maşını piyada keçidinə çırpılıb. Avtosfer.az-ın məlumatına görə, Xocasən-Lökbatan yolunun 2-ci kilometrliyində, Xocasən qəsəbəsində "Shachman" markalı yük avtomobili kuzovu açıq vəziyyətdə yerüstü piyada keçidinin altından keçərkən ona çırpılıb və yararsız hala salıb. Bu barədə Trend-ə Nəqliyyat Nazirliyi "Azəryolservis" ASC mətbuat xidmətindən məlumat verilib. Hazırda hadisə yerinə Nəqliyyat Nazirliyi "Azəryolservis" ASC-nin əməkdaşları gəlib və keçiddən heç kim tərəfindən istifadə edilməməsi üçün onu hasarlayıblar. Keçidə dəyən ziyan bu gün araşdırılacaq.