Avtosfer.az | Reklam
“Hallı” vəziyyətdə sərnişin daşıyan sürücü saxlanıldı - Maşından görün nələr çıxdı - FOTO
Qaydalar 10 Iyul 2019 10:57 2099 dəfə oxunub
“Hallı” vəziyyətdə sərnişin daşıyan sürücü saxlanıldı - Maşından görün nələr çıxdı - FOTO
Avtomobildən də narkotik vasitə və bir ədəd şpris aşkar edilərək götürülüb

Astara rayonunda yol polisi narkotik maddənin təsiri altında sərnişin daşıyan sürücünü saxlayıb. Bu barədə DİN Mətbuat xidmətinin Lənkəran regional qrupundan Avtosfer.az-a məlumat verilib. Məlumatda bildirilib ki, Astara Rayon Polis Şöbəsinin Dövlət Yol Polisi Bölməsinin əməkdaşları tərəfindən güclü təsiredici narkotik vasitənin təsiri altında sərnişin daşıyan sürücünü saxlayıb. Eyni zamanda onun idarə etdiyi avtomobildən də narkotik vasitə aşkarlanıb.

“Tofaş” markalı avtomobillə Bakıdan Astaraya sərnişin daşıyan Bakı şəhəri Bülbülə qəsəbəsinin sakini Əvəz Abbasov təhlükəsizlik kəmərindən istifadə etmədiyi üçün Astara şəhəri ərazisində dövlət yol polisi əməkdaşları tərəfindən saxlanılıb. Bu zaman nəqliyyat vasitəsini idarə etmək üçün ona verilən etibarnamənin vaxtının bitdiyi, avtomaşının isə texniki baxışdan keçmədiyi müəyyən edilib. Həmçinin hərəkətləri şübhə doğurduğu üçün, o, tibbi müayinəyə dəvət edilib. Ə.Abbasovun avtomobili narkotik vasitənin təsiri altında idarə etdiyi məlum olub. Polis əməkdaşları tərəfindən keçirilən baxış zamanı onun idarə etdiyi avtomobildən də narkotik vasitə və bir ədəd şpris aşkar edilərək götürülüb.

Faktla bağlı araşdırma aparılır.

 

Namiq

QALEREYA
ŞƏRH YAZ
Ad
E-mail
Şərh