Yol kənarına aşan avtomobil yanıb kül oldu: 7 nəfər yaralandı - FOTO

Türkiyənin Şanlıurfa vilayətində minik avtomobilinin qəzaya uğraması nəticəsində 7 nəfər yaralanıb. Avtosfer.az yerli mətbuata istinadən xəbər verir ki, insident səhər saatlarında Siverek-Diyarbəkir avtomagistralının 30-cu kilometrliyində qeydə alınıb.

Məlumata görə, Orxan Gəzərin idarə etdiyi 40 ER 735 qeydiyyat nömrə nişanlı avtomobil idarəetmədən çıxaraq yol kənarına aşıb. Hadisədə 1-i körpə, 4-ü uşaq olmaqla ümumilikdə 7 nəfər müxtəlif dərəcəli bədən xəsarətləri ilə Siverek Dövlət Xəstəxanasına çatdırılıblar. Onlardan ikisinin vəziyyətlərinin ağır olduğu bildirilib.

Qəzadan sonra minik avtomobili yanaraq yarasız hala düşüb.

Polis araşdırmalara başlayıb.

Namiq Musayev