Tovuzda avtomobil yarımtikili evə çırpıldı: xəsarət alan var

Tovuz rayonunda xəsarətlə nəticələnən yol-nəqliyyat hadisəsi baş verib. Avtosfer.az-ın "Report"a istinadən məlumatına görə, hadisə rayonun Aşağı Əyublu kəndində qeydə alınıb. Hərəkətdə olan "VAZ-2107" markalı avtomobil idarəetmədən çıxaraq yarımtikili evə çırpılıb. Qəza nəticəsində 1983-cü il təvəllüdlü Mahir Kazımov xəsarət alıb. Onun vəziyyətinin normal olduğu bildirilir.

Faktla bağlı araşdırma aparılır.