“MAN” markalı yük maşını “PAZ”la toqquşdu: 7 ölü, 29 yaralı - VİDEO
Rusiyanın Yaroslavl əyalətində yük maşınının və reys avtobusunun iştirakı ilə baş verən ağı yol qəzasında 7 nəfər ölüb, 29 nəfər isə xəsarət alıb.
Avtosfer.az “RİA Novosti”yə istinadən xəbər verir ki, insident sentyabrın 14-ü yerli saatla 11.00-da “Yaroslavl - Dovşan təpəsi – İvanova” avtomobil yolunun 20-ci kilometrliyində qeydə alınıb.
Məlumata görə, “MAN” markalı yük maşının sürücüsü əks zolağa çıxaraq, içərisində azı 30 nəfərin olduğu “PAZ” markalı sərnişin avtobusu ilə toqquşub. Toqquşmanın şiddətindən hər iki nəqliyyat vasitəsi deformasiyaya uğrayıb.
Hadisə nəticəsində sürücülərlə birgə 7 nəfər ölüb, 29 yaralı təcili tibbi yardım maşınları ilə xəstəxanalara yerləşdirilib.
Faktla bağlı cinayət işi açılıb, araşdırmalar aparılır.
Namiq Musayev