“Hyundai” “Toyota” ilə toqquşdu: 3 ölü, 2 yaralı - VİDEO
Ukraynanın Donetsk əyalətində iki avtomobilin iştirakı ilə baş verən yol qəzasında 3 nəfər ölüb, 2 nəfər isə yaralanıb. Avtosfer.az xəbər verir ki, insident ötən gün səhər saatlarında Kiyev-Xarxov-Dovajanski avtomagistralının Slavyansk rayonu istiqamətindən keçən hissəsində qeydə alınıb.
Məlumata görə, hərəkətdə olan “Hyundai Sonata” markalı maşının sürücüsü sükan idarəetməsini itirərək əks yola çıxıb və “Toyota Land Cruiser” markalı avtomobillə toqquşub.
Qəzanın şiddətindən “Hyundai Sonata” deformasiyaya uğrayıb.
Nəticədə “Hyundai”ın sürücüsü, 31 yaşlı həyat yoldaşı və 6 yaşlı qızları aldığı xəsarətlərdən hadisə yerində həyatlarını itiriblər. “Toyota”da olan 2 sərnişin isə xəstəxanaya çatdırılıblar.
Hüquq-mühafizə orqanları tərəfindən araşdırma aparılır.
Namiq Musayev