Bakıda avtomobilin vurduğu piyada xəsarətlə xəstəxanaya yerləşdirilib

Bakının Sabunçu rayonunda yol-nəqliyyat hadisəsi baş verib.

APA xəbər verir ki, hadisə Bakıxanov qəsəbəsində qeydə alınıb.

1994-cü il təvəllüdlü Kazımov Elçin Kazım oğlu yanacaqdoldurma məntəqəsinin qarşısında yolu keçərkən onu minik avtomobili vurub.

Yaralı 3 saylı Şəhər Klinik Xəstəxanasına yerləşdirilib, vəziyyəti orta ağırdır.