Bakıda 2 avtomobil toqquşub, xəsarət alan var

Xəzər rayonunda yol-nəqliyyat hadisəsi zamanı bir nəfər xəsarət alıb. Avtosfer.az-ın APA-ya istinadən məlumatına görə, qəza Buzovna qəsəbəsində baş verib. Belə ki, iki minik avtomobilinin toqquşması nəticəsində avtomobillərin birində olan sərnişin, 1957-ci il təvəllüdlü Məmmədova Yasəmən Rauf qızı xəsarət alıb.  Yaralı 3 saylı Şəhər Klinik Xəstəxanasına yerləşdirilib. Ona qapalı kəllə-beyin travması, alın nahiyəsinin dərialtı hematoması diaqnozu qoyulub.

Faktla bağlı Xəzər Rayon Polis İdarəsində araşdırma aparılır.