“Bakı Metropoliteni” işçi axtarır

“Bakı Metropoliteni” QSC-yə sağlamlıq, əməyin təhlükəsizliyi və ətraf mühitin mühafizəsi mühəndisi tələb olunur.

Namizədlərə tələblər aşağıdakı kimidir: 

• Ali texniki təhsil; 

• Ən azı 2 il əlaqədar iş təcrübəsinin olması (Tikinti sahəsində təcrübə arzuolunandır); 

• İxtisas üzrə sertifikatların mövcudluğu; 

• Rus və ingilis dilini bilməsi arzuolunandır; 

• Ms Office (Outlook, Word, Excel, Power Point) proqramlarında iş bacarığının olması; 

• Qaydaların tətbiqi baxımından qətiyyətlilik, məsuliyyət, ünsiyyətcillik və insanlarla rahat münasibət qura bilməsi.

Vəzifə öhdəlikləri: 

• Əməyin mühafizəsi işinin təşkili və əlaqələndirilməsi, o cümlədən aşağıda sadalanan vəzifə və öhdəlikləri düzgün yerinə yetirmək; 

• İşçilər tərəfindən əməyin mühafizəsi üzrə qanunvericilik və digər normativ hüquqi aktlara əməl edilməsinə nəzarət etmək, sənədləşmənin düzgünlüyünü təmin etmək; 

• Bədbəxt hadisələrin qarşısının alınması və əmək şəraitinin yaxşılaşdırılması üzrə profilaktik tədbirlər hazırlamaq və həyata keçirilməsinin təşkil edilməsinə çalışmaq; 

• Təhlükəsiz əmək şəraitinin yaradılmasını və təlimatlandırılmaları həyata keçirmək; 

• Fərdi mühafizə vasitələrinin düzgün tətbiq edilməsini, avadanlıqların, mühafizə vasitələrinin müvafiq struktur vahidləri tərəfindən zəruri sınaqlarının və texniki müayinənin vaxtında keçirilməsini, qoruyucu və mühafizə vasitələrinin vəziyyətini nəzarətdə saxlamaq; 

• SƏTƏMM yoxlamalarına aid hesabatlar tərtib etmək; 

• Vəzifəsindən irəli gələn digər işləri yerinə yetirmək.

İş qrafiki: 5 günlük iş rejimi.

Əmək haqqı: müsahibə zamanı dərəcəyə uyğun müəyyən edilir.

İddiaçılar “Bakı Metropoliteni” Qapalı Səhmdar Cəmiyyətinin rəsmi veb-səhifəsinin “Karyera və əməkdaşlıq” bölməsinə daxil olub “Bizdə iş” yarımbölməsində elektron müraciət formasını doldurmalıdırlar.