Sabirabadda velosipedçi avtomobilə çırpılaraq ağır xəsarət alıb

Sabirabadda velosipedi idarə edən kişi avtomobilə çırpılıb, ağır kəllə-beyin travması alıb. Avtosfer.az APA-ya istinadən xəbər verir ki, hadisə Sabirabad rayonunun Dadaşbəyli kəndində qeydə alınıb. Velosipedi idarə edən rayonun Qaragüney kənd sakini, 1984-cü il təvəllüdlü Nurəhmədov Vüqar Raqif oğlu kəskin enişdə yolun kənarında dayanan “Reno” markalı avtomobilə çırpılıb. Qəza nəticəsində velosipedçi ağır kəllə-beyin travması alaraq Şirvan şəhər xəstəxanasına yerləşdirilib.

Faktla bağlı araşdırma aparılır.