11 milyon dollarlıq "Ferrari" - FOTO

"Ferrari Laferrari" modeli 11 milyon dollara satışa çıxarılıb. Avtosfer.az ölkə.az-a istinadən xəbər verir ki, adıgedən model 3 il əvvəl avtomobil sərgisində təqdim edilmişdi. Bu model bir çox kolleksionerin əldə etmək istədiyi eksklüzivə çevrildi. "Ferrari" şirkəti isə cəmi 499 ədəd Laferrari istehsal etmişdi. Bu maşınlardan biri hal-hazırda satışa çıxarılıb və 11 milyon dollar qiymətə təklif edilir. 3 il əvvəl 2 milyon dollara satılan Laferrarinin qiyməti sonradan 5 milyon dollara qədər qalxıb. Bu il isə rekord qeydə alınıb. Mobile.de internet portalında satışa çıxarılan avtomobilə 11 milyon dollar qiymət qoyulub.

Laferrarinin satılıb-satılmayacağını söyləmək çətindir.

Qeyd edək ki, satışa qoyulan Ferrarinin cəmi 1700 km yürüşü var.