Azərbaycanlı gənc “Qarabağ” adlı avtomobil modelinin dizaynını hazırladı - VİDEO

Azərbaycanlı gənc, həvəskar avtomobil dizayneri Ramil Nəcəfov yeni bir avtomobil dizaynı hazırlayıb. Model həm mülki, həm də hərbi avtomobil kimi istifadə edilə bilər. Ramil Nəcəfov hazırladığı ofroader tipli avtomobil modelinə "Qarabağ" adını verib. O, bu dizaynı artıq bəzi xərici şirkətlərə də göndərib və müsbət cavab alıb. İndi Ramilin əsas arzusu onun dizayn etdiyi avtomobilin istehsal üçün qəbul edilməsidir.

Qeyd edək ki, bu Ramil tərəfindən hazırlanan ilk avtomobil deyil. O, bundan əvvəl də bir neçə avtomobil və hətta qırıcı təyarrənin dizaynını hazırlayıb.