Daha bir avtomobil sərgisi qapılarını ziyarətçilərə açdı – FOTO

Şimali Amerikanın ən böyük avtomobil sərgisi 109-cu dəfə öz qapılarını açıb. Avtosfer.az a24.az-a istinadən xəbər verir ki, Çikaqo avtomobil sərgisinin mətbuata təqdimolunma mərasimi başlayıb. İlki 1901-ci ildə təşkil olunan Şimali Amerikanın ən böyük avtomobil sərgisində  yüzlərlə maşın bölgənin ən böyük konqres mərkəzi olan “McCormick Place”də nümayiş olunur. Nümayişdə elektriklə və insansız işə salınan avtomobillər də təqdim olunub. Ən çox maraq göstərilən avtomobillər “2018 model Dodge Durango SRT”, “Ford Expedition”, “Hyundai Elantra GT”, “Subaru Legacy”, “Volkswagen Atlas”, “2017 model Infiniti Q50”, “Infiniti QX80”, “Mitsubishi Outlander”, “Nissan Altima”, “Nissan Murano”, “Ram 1500 Copper”  və “Chevrolet Redline” olub.

20 fevralda bağlanacaq sərgiyə 1 milyon ziyarətçinin gələcəyi gözlənilir.