Dünyanın ən güclüləri - FOTOLAR
Avtodünya
1 Mart 2016 01:35
Oxunub 6671
Bu şəhərdə dünyanın ən böyük avtosərgilərindən biri keçiriləcək
Avtomobil həvəskarlarının diqqəti Cenevrəyə yönəlib. Bu şəhərdə dünyanın ən böyük avtosərgilərindən biri keçiriləcək. Avtoşou ilk olaraq qapılarını dünya mətbuatının nümayəndələrinin, 3 martdan isə bütün avtomobil sevənlərin üzünə açacaq. Dünyanın ən sürətli, ən yeni və ən bahalı maşınlarının nümayişi isə mart ayının 13-nə kimi davam edəcək.
Bu il 86-cı dəfə keçiriləcək Cenevrə avtomobil sərgisi çox önəmli bir özəlliyi ilə də seçiləcək. Dünyada neftin qiymətinin sürətlə düşməsi fonunda dünyanın ən güclü idman maşınlarına daha çox yerin ayrılmasıdır. Məsələn, ötən il ən güclü maşın 1001 at gücündə olan "Bugatti" idisə, bu il daha güclü maşınları sərgidə görmək mümkün olacaq.
Ən güclülərin yarışında 500 at gücündən yüksək olan 15-dən çox maşın, 120 yeni model sərgilənəcək. Bu super maşınların qiyməti isə Avropada nə az, nə çox 3 milyon dollara kimi qalxır. Sərgidə göz oxşayacaq ən gözəl modelləri təqdim edirik.
1104+ at gücü / ZENVO TS1
Danimarkalı maşın istehsalçısı "Zenvo" sərgidə iki yeni modelini nümayiş etdirəcək. Buna "TS1 Supercar" və "TSR Racecar"dır. "TS1" ötən il istehsal edilən 1104 at gücündəki 6.8 litrlik V8 mühərrikə sahib "ST1" modelinin yenilenmiş versiyasıdır.
1072 at gücü / "Rimac Concept One"
Xorvat əsilli "Rimac" şirkəti bu modeli 2011-ci ildə Frankfurtda təqdim edib. "Concept One" modeli artıq istehsala tam hazırdır. 4 elektrikli mühərrikə sahib idman maşını 100 km sürəti 2,6 saniyəyə yığır. Maksimum sürəti isə 354 km-dir.
ZENVO TS1
760 at gücü / "Lamborghini Centenario LP770-4"
Yeni model "Lamborghini"nin qurucusu Ferruccio Lamborginin 100 illiyinə həsr edilib. "Lamborghini Centenario LP770-4" ilk dəfə məhz Cenevrədə nümayiş ediləcək. Bu maşından dünyada ancaq 20 ədəd istehsal ediləcək. Maşın 6.5 litrlik V12 mühərrikinə sahibdir. Maşın 100 km sürəti cəmi 2.5 saniyədə yığır.
800 at gücü / "Pagani Huayra BC"
Uzun müddətdir avtomobil bazarında səssizliyini qoruyan İraliya şirkəti "Pagani" daha güclü "Huayra" modeli ilə Cenevrədə yerini alacaq. Maşında 6 litrlik cüt turbolu V12 mühərrik yer alıb, belə sürətli maşının çəkisi isə cəmi 1.218 kq-dır. Bu isə standart "Huayra"dan 132 kq azdır. 100 km sürəti 3 saniyədən az bir zamanda yığır. Ancaq 20 ədəd istehsal ediləcək maşının qiyməti 2,5 milyon avrodur.
Lamborghini Centenario LP770-4
690 at gücü / "Ferrari GTCLusso"
"Ferrari" idman maşını istehsalçıları arasında lider markadır. "GTC4Lusso" 100 km sürəti 3,4 saniyəyə yığır və 335 km sürətə sahibdir. 4 oturacaqlı yenilik V12 mühərriki ilə təhciz edilib.
800 at gücü / "Pagani Huayra BC"
İtaliya aviakonserninin yeni modeli 6 litrlik cüt turbolu V12 mühərriki yer alır. Maşının çəkisi 1.218 kq-dır. Bu standart "Huayra"dan 132 kq daha yüngüldür. 100 km sürəti 3 saniyəyə yığır. Maşının qiyməti 2,5 milyon avrodur.
Pagani Huayra BC
600 at gücü / "Aston Martin" DB11"
Maşın haqqında ancaq bir detal bəllidir - 5.2 litrlik V12 mühərrik. Bütün digər dettalar isə sabah açıqlanacaq.
2080 at gücü / "Arash AF10"
İngilis modeli olan maşın 4 elektrikli mühərrik, 6.2 litrlik V8 mühərriklə təhciz edilib. Hibritdir. 100 km sürətə 3 saniyədə çatır. Maksimum sürət 323 km-dir.
Arash AF10
1500 at gücü / "Bugatti Chiron"
Ötən il Veyron modelini ərəb iş adamına 2,3 milyon avroya satan şirkət indi yeni ən sürətli maşınını sərgiləyəcək. Maşının maksimum sürəti 463 km olacaq. Bu sürətli maşının indiyə kimi istehsal edilən ən sürətli "Bugatti" olacağı gözlənilir.
575 at gücü / "Jaguar" F-TYPE SVR"
İngilis şirkətinin yeni modelində 5 litrlik V8 mühərriki var. 3,5 saniyədə 100 km sürət yığır. Maksimal sürət isə 320 km-dir.
anspress
ŞƏRH YAZ
DİGƏR XƏBƏRLƏR
