"Ferrari F12"ni təkmilləşdirmək üçün paket hazırlanıb - FOTO

"DMC" tüninq atelyesinin mühəndisləri "Ferrari F12" superkarını təkmilləşdirmək üçün paket hazırlayıblar. Avtosfer.az xəbər verir ki, yenilik hesabına avtomobil daha güclü olacaq. Şirkət cəmi 10 "Berlinetta" yığmaq fikrindədir. Paketə bir sıra karbon komponentlər daxildir. Çox güman ki, bu komponentlər arasında işıq diodlu, hava çəpərli ön bamper ən yaxşısı sayılır. Bu ön bamper "F12 Berlinetta" modelinə "F12 tdf" modelinə bənzəməyə imkan verir. Avtomobilin güc aqreqatı barədə heç bir məlumat verilmir. Qeyd edək ki, "Ferrari F12 Berlinetta" modelinin mühərriki 741 at gücü hasil edir. Yerindən 100 km/saat sürəti 3.1 saniyəyə əldə edir. Avtomobilin maksimal sürəti isə 340 km/saatdır. (ölkə.az)