İlham Əliyev vaxtı ilə bu avtomobillə gəzib - FOTOLAR

Rusiyanın Lipetsk vilayətinin "Qaliçya dağı" qoruğunda 1975-ci il istehsalı olan "Ford Qranada" avtomobili var. Qaynarinfo.az məşhur "Komsomolskaya pravda" nəşrinə istinadən xəbər verir ki, bu avtomobilin Azərbaycanla əlaqəsi var. Belə ki, qoruğun əməkdaşları deyir ki, bu avtomobilin öz tarixi var. Keçmişdə bu avtomobili Azərbaycan prezidenti İlham Əliyev sürüb. Bu "Qranada"nı Moskvaya 1980-ci il Olimpiadası zamanı Kanada nümayəndə heyəti gətirib. Sabiq prezidentimiz Heydər Əliyev həmin vaxt bu avtomobili özünə götürüb. Bu maşın İlham Əliyevin diqqətini çəkib və onunla çoxlu vaxt keçirib. 1980-ci illərin ortalarında qeyri-adi avtomobillərin böyük həvəskarı olan qoruğun direktoru öz maşınlarından birini bu ekzemplyar ilə dəyişib. Sonra ABŞ istehsalı olan avtomobilin mühərriki və ötürmə qutusu sıradan çıxıb. Hazırda isə bu avtomobil quş qəfəslərinin yaxınlığında üstü örtülü yerdə durur.