"Lifan" avtomobillərinin yığılması mümkündür - Gəncədə

Gəncə Avtomobil Zavodunda (GAZ) da Çin istehsalı olan "Lifan" avtomobillərinin yığılması prosesinin təşkili mümkündür. Avtosfer.az xəbər verir ki, bu barədə "report"a açıqlamasında Gəncə zavodunun direktoru Kamran Nəzərov deyib.

"Əgər Naxçıvan Avtomobil Zavodundan təklif gələrsə, biz onlarla əməkdaşlıq etməyə hazırıq", - deyə GAZ-da bu avtomobillərin istehsalı bağlı suala aydınlıq gətirən müəssisə rəhbəri bildirib.

K.Nəzərovun sözlərinə görə, hazırda Gəncə Avtomobil Zavodunda 36 növ avtomobil və traktor istehsal edilir: "İstehdal edilən traktorların ehtiyat hissələrinin 11%-i, avtomobillərin isə ehtiyat hissələrinin 40-50%-i yerli istehsalın payına düşür. Bu prosesi tam lokallaşdırmaq istəyirik".