"McLaren 720 S" modeli Cenevrədə təqdim edildi - FOTO

Cenevrədə "McLaren 650 S" modelinin sələfi təqdim edilib. Avtosfer.az "Ölkə.Az"a istinadən xəbər verir ki, Britaniya şirkəti yeni "McLaren 720 S" avtomobilini Cenevrə avtomobil sərgisində təqdim edib. "McLaren 720 S" karbon lifindən hazırlanmış monokokla təchiz edilib. Avtomobilin mühərriki arxa hissəyə quraşdırılıb. Yük yerində V8 tipli, 4 litr həcmli tvin-turbo mühərriki var. Mühərrik 710 at gücü hasil edir. Avtomobilin çəkisi də azaldılıb. Bu isə mühərrikdən daha effektiv istifadə etməyə şərait yaradır. Yerindən 100 km/saat sürəti cəmi 2.9 saniyəyə yığır. "McLaren 720 S"-in maksimal sürəti 341 km/saatdır. Bundan başqa mühəndislər avtomobilin aerodinamikasına, idarəetmə sisteminə, təhlükəsizlik və sürücüyə yardım sistemlərinə də əl gəzdiriblər.