“Niva”nın yaradıcısı öldü

Rusiyanın məşhur “Niva” markalı avtomobilinin yaradıcısı Pyotr Prusov 76 yaşında vəfat edib. Avtosfer.az-ın oxu.az-a istinadən xəbərinə görə, bu barədə “AvtoVAZ”ın mətbuat xidməti məlumat yayıb. P.Prusov 1972-ci ildə  “Niva” layihəsinin rəhbəri təyin edilib. O, 1998-ci ildən 2003-cü ilə qədər “AvtoVAZ”ın baş mühəndisi olub. “Niva”nın ilk kütləvi istehsalına 5 aprel 1977-ci ildə başlanılıb. “Niva” dünyanın 110 ölkəsində satılıb, bir zaman avtomobilin 70 faizi ixrac edilib.