Yarışda qalib olan prezident “Land Gruiser” qazandı

Türkmənistan prezidenti Qurbanqulu Berdiməhəmmədov Türkmən atı şərəfinə təşkil olunan cıdır yarışında iştirak edərək qalib olub. “Qafqazinfo”nun “Ria Novosti”yə istinadən verdiyi xəbərə görə, 1,2 kilometr məsafəyə at yarışında prezidentdən başqa 6 çapar da qələbə üçün mübarizə aparıb. Q.Berdiməhəmmədov məsafəni 1 dəqiqə 25 saniyəyə qət edərək qələbə qazanıb və “Toyota Land Cruiser Prado” avtomobilinə layiq görülüb. Lakin o, atçıların ehtiyaclarını nəzərə alaraq maşının açarını kənd təsərrüfatı məsələləri üzrə vitse-prezident Esenmurad Orazgeldıyevə təqdim edib.