Anası maşında ola-ola 2 yaşlı uşaq təhlükə yaratdı - VİDEO

Azyaşlı uşaq sükan arxasına keçərək təhlükəli anların yaşanmasına səbəb olub. Avtosfer.az xəbər verir ki, Rusiyanın Voronej şəhərində baş verən hadisə kameraya düşüb.
Belə ki, şəhərdə yaşayış komplekslərinin birinin həyətində “Lada Granta” markalı avtomobildə olan 2 yaşlı uşaq nəqliyyat vasitəsini hərəkətə gətirib. Səki bəndini aşan avtomobil kolluqları keçərək uşaq meydançasındakı sürüşkənə çırpılıb.
Hadisə baş verən an meydançada oynayan uşaqlar son anda qaçaraq canlarını qurtara biliblər. İlkin məlumatlara görə, uşağın anası həmin vaxt avtomobilin salonunda olub, lakin maşının hərəkətə başladığını vaxtında fərq etməyib. Xoşbəxtlikdən hadisə zamanı xəsarət alan olmayıb.
Hadisə yerinə polis əməkdaşları cəlb olunub. Faktla bağlı araşdırma aparılır.
Sözügedən hadisənin anbaan videosunu təqdim edirik: 

Namiq Musayev