Avtomobil tunelində yanğın: girişlər bağlanıb - VİDEO

Ermənistanın Tavuş vilayətinin cənub-qərb hissəsini Qeqarkunik vilayətinin şimal-şərqi ilə birləşdirən Dilijan-Sevan avtomobil tunelində bu gün səhər saatlarında baş verən güclü yanğın nəticəsində giriş-çıxış bağlanıb. Avtosfer.az-ın "Report"a istinadən xəbər verir ki, şahidlərin sosial şəbəkələrdə yaydığı videogörüntülərdə ərazidə tüstü görünür. "Sentyabrın 29-u saat 11:17-də yük maşınının mühərrikinin yanması barədə zəng daxil olub. Yanğın saat 12:29-də lokallaşdırılıb", - Ermənistan Fövqəladə Hallar Nazirliyinin məlumatında deyilir.