Avtomobilin kondisionerinə necə qulluq etməli? - Bu xəbəri mütləq izləyin - VİDEO

Bəzi avtomobillərin kondisioner filtirləri dəyişdirilir. Bəzilərinə isə freon-qaz vurulur.

Avtosfer.Az xəbər verir ki, havaların anomal keçdiyi bu günlərdə əksər kondisioner təmiri məntəqələrində sıxlıq müşahidə olunur.. İl boyu avtomobilinin kondisionerinə baxdırmayan sürücülər indi əlavə xərcə düşürlər...

Kondisioner ustası Nuru Bağırovun sözlərinə görə, kondisioner filtirləri ən azından ildə 2-3 dəfə dəyişdirilməlidir. Salon filtirlərinin təmizlənib, yenidən istifadəsi isə məsləhət deyil.

Kondisioner ustası Cavidan Muradov isə deyir ki, kondisionerin filtrdən əlavə yağı da vaxtı-vaxtında, yəni ildə ən azı bir dəfə dəyişdirilməlidir. Bu yağın dəyişdirilməsi isə avtomobildən asılı olaraq 10-20 manata başa gəlir.

Usta Cavidan Muradov deyir ki, yol kənarlarında qoyulan adi balonlardan kondisionerə qaz vurdurmaq məsləhət deyil. Kondisioner qazları xüsusi aparatlar vasitəsi ilə vurulmalıdır. Freon qazının qiymətinə gəlincə isə, hər 100 qramı 5 manatdır.