Azərbaycanda "yol terroru": 5 ölü, 11 yaralı var - VİDEO

Yevlaxda dəhşətli qəza olub. Avtosfer.az-ın məlumatına görə, yük maşını mikroavtobusla toqquşub, 3 sərnişin dünyasını dəyişib. Dəhşətli qəza Bakı-Qazax avtomagistralının Yevlax rayonu ərazisindən keçən hissəsində baş verib. Sərnişin dolu mikroavtobus paytaxta doğru hərəkət etdiyi zaman qarşıdan gələn yük maşınının təkəri qəfildən partlayıb, nəticədə avtomobil digər yola keçərək mikroavtobusa çırpılıb. Nəticədə sərnişinlərdən 3 nəfər- 12 yaşlı Emin Abdullayev, 38 yaşlı Samirə Musayeva, 45 yaşlı Ziyafət Ələsgərova hadisə yerində dünyalarını dəyişiblər. Digər 9 sərnişin xəstəxanaya çatdırılıb. Yaralılara tibbi yardım göstərilib, vəziyyətləri kafi qiymətləndilir.

Qeyd edək ki, qəzada dünaysını dəyişən və xəsarət alanlar Şəmkir və Tovuz sakinləridir. Faktla bağlı araşdırmalara başlanılıb.

Şirvandakı qəza da ölümlə nəticələnib. Şəhərin Heydər Əliyev prospektində Şirvan sakini, 34 yaşlı Samiq Mustafayev avtomobilin idarəetməsini itirib, maşın işıq dirəyinə çırpılıb və bu zaman yanğın baş verib. Sərnişinlərdən biri Şirvan sakini, 29 yaşlı Türanə Bəşirova hadisə yerində ölüb, digər sərnişin xəsarət alaraq xəstəxanaya yerləşdirilib.

Sumqayıt şəhərində isə piyadanın ölümü ilə nəticələnən ağır yol-nəqliyyat hadisəsi baş verib. 77 yaşlı Sumqayıt şəhər sakini İman Tağıyev yaşadığı ərazisində yolu keçmək istəyən zaman avtomobil tərəfindən vurulub. Yaralı dərhal Sumqayit şəhır Təcili Tibbi yardım xəstəxanasına çatdırılsada lakin o keçinib. Meyit müayinə üçün Sumqayıt şəhər morquna aparılıb. Sürücü məsuliyyətə cəlb olunub. Faktla bağlı araşdırma aparılır.