Bakıda sürücülərin həyatı təhlükə altındadır: Maşınlar göyə qalxıb yerə çırpılır - VİDEO

Bakıda çökmüş yolda qeyri-adi hadisə yaşayan sürücü qeydə aldığı videonu sosial şəbəkə hesabında paylaşıb. Avtosfer.az xəbər verir ki, görüntü "Binə" ticarət mərkəzi ilə "Sədərək" ticarət mərkəzini birləşdirən yolda qeydə alınıb. Belə ki, sürücü 60 km/saat sürətlə hərəkətdə olan zaman yolda yaranmış çuxura düşüb. Nəticədə avtomobilin bütün təkərləri yerdən üzülərək göyə uçub və sonra zərbə ilə yerə çırpılıb.

Qeyd edək ki, iki ticarət mərkəzini birləşdirən bu yol nəzarətdən kənarda qaldığı üçün yararsız hala düşüb.

Ümid edirik ki, aidiyyəti qurumlar bu yolu tez bir zamanda əsaslı şəkildə təmir edərək sürücülərin rahat və təhlükəsiz hərəkətini təmin edəcək.

Fərid