Bakıda təhlükə saçan kortej: maşın hərəkətdə ola-ola "salamlaşırlar" - VIDEO

Bir neçə avtomobildən ibarət kortejdə hərəkət edən gənclər, yol hərəkəti qaydasını kobud şəkildə pozaraq insan həyatı üçün təhlükəli olan hərəkətlər ediblər. Avtosfer.az xəbər verir ki, kortejin arxasıyca gələn 90-SG-095 qeydiyyat nişanlı "Chevrolet Camaro" markalı avtomobilin sürücüsü 1.1 düz xəttin tələbini pozaraq tam olaraq əks istiqamətdə hərəkət edib. Qarşıda hərəkətdə olan 90-VS-803 qeydiyyat nişanlı "Toyota Prado" markalı avtomobilin sərnişini və onun sol tərəfi ilə tam olaraq əks istiqamətdə hərəkət edən 90-VV-520 qeydiyyat nişanlı "Hyundai Elantra" markalı avtomobilin sərnişini avtomobildən bədənlərini bayıra çıxararaq bir-birinin əlindən tutub. Bu cür təhlükəli hərəkət edən sürücü və sərnişinlər məsuliyyətə cəlb olunmalıdır.

Ümid edirik ki, Baş Dövlət Yol Polisi idarəsi bu qanunsuzluqla bağlı ciddi ölçü götürəcək.

Təbriz