Bu küçədə sakinlər illərdir asfaltsız yoldan əziyyət çəkir - Şikayətlərə baxılmır - VİDEO

Paytaxtın Sabunçu rayonu Pirşağı qəsəbəsi Saleh Hüseynzadə küçəsində yollar istifadəyə yararsızdır.

Mövcud problemlə bağlı sakinlərdən biri Avtosfer.az-a videomaterial göndərib. Şikayətçinin sözlərinə görə, xüsusilə əlverişsiz hava şəraitində yoldan keçmək çətinləşir. Belə ki, qarlı, yağışlı havada yol tamamilə palçıq olur və yaranmış vəziyyət həftələrlə davam edir. Bu da piyadalarla yanaşı, sürücülərin hərəkətinə əngəl törədir. Şikayətçi yağış, qar sularının yoldakı çuxurlara dolaraq kiçik gölməçələr yaratdığını bildirib. Sakin problemlə bağlı lazımi quruma dəfələrlə müraciət etdiklərini əlavə edib. 

Üzərimizə düşən öhdəliyi yerinə yetirərək daha bir yaşayış sahəsindəki yol problemini işıqlandırdıq. İllərdir davam edən bu məsələnin qısa zamanda aidiyyəti qurum tərəfindən həll olunacağına ümid edirik.

Nərmin