Dəhşətli hadisə: Avtomobilinin qapısını bağlayıb özünü yandırdı - VİDEO

Türkiyənin Osmaniyə şəhərində psixoloji problemləri olan şəxs özünü yandırmaq istəyib. Avtosfer.az metbuat.az-a istinadən bildirir ki, dəhşətli hadisə Cümhuriyyət meydanında yerli saatla 10:00-da baş verib. Avtomobilinə benzin tökən şəxs özünü yandıracağını deyib. Ətrafdakı vətəndaşlar dərhal polis və yanğınsöndürmə briqadasını çağırıblar. Vətəndaşların bütün səylərinə baxmayaraq Ömər Faruk avtomobilin qapısını bağlayaraq özünü yandırıb. Partlayış nəticəsində sözügedən şəxs ağır yaralanaraq xəstəxanaya yerləşdirilib. Polis faktla bağlı araşdırmaya başlayıb.