Əks yola çıxmaq istədi, cəhdi alınmadı - Belə sürücüləri hansı cərimə gözləyir? - VİDEO

Əks yola çıxmaq istəməyən sürücünün cəhdi uğursuz olub. Dövlət qeydiyyat nişanı 90 SH 087 olan avtomobilin sürücü tıxaclı yolda dayanmayraq yolun hərkət hissələrini ayıran maneələrin üzərinə çıxıb. Amma bu zaman alt hissəsi betona ilişin avtomobil yolun ortasında qalıb. Avtosfer.az xəbər verir ki, bu görüntülər paytaxtda Nizami rayonunda çəkilib. Videonu çəkən şəxsində dediyi kimi, sürücü bu hərkəti ilə beton maneələrədə ziyan vurub.

Yol hərəkəti üzrə ekspert Ərşad Hüseynovun sözlərinə görə, sürücü bu hərəkəti ilə avtomobilin yolun hərkət hissəsində yerləşmə qaydasını pozub və o 40 manatlıq cərimə olunmalıdır. Üstəlik bunu edən sürücü qarşıdan gələnlərin yoluna çıxmaqla onların da hərəktinə mane olarsa bu zaman 3 bal və 60 manat miqdarında cərimələnməlidir. Bundan başqa pozuntu nəticəsində yol təssərüfastına dəyən ziyan da sürücü tərəfindən tam formada ödənilməlidir. Əslində yolların beton maneələrlə ayrılmasının bir səbəbi də ölkə yollarında bu kimi pozuntuların qarşısını almaq və bununla da qəzaları azaltmaqdır. Amma görünür ki, hələ də bəzi sürücülər hər vəchlə həm özünün, həm də digərlərinin həyatını təhlükəyə atırlar.