Əl əyləcini çəkməyi UNUTDU: Avtomobili dənizə düşən sürücü ŞOKA OLDU - VİDEO

Əl əyləcini çəkməyi unudan şəxsin avtomobili dənizə düşüb. Avtosfer.az xəbər verir ki, Niderlanda baş verən hadisənin görüntüləri ərazidə yerləşən təhlükəsizlik kamerası tərəfindən qeydə alınıb.

Kadrlardan da aydın görünür ki, sürücü əl əyləcini çəkmədən avtomobildən enir və əlindəki telefona baxa-baxa irəliləyir, ardınca isə avtomobil hərəkət edərək suya düşür.

Yerli medianın məlumatına görə, “Nissan Micra” markalı avtomobilin sahibi park etdiyi ərazinin yaxınlığındakı kafeyə gedirmiş. Hadisədən isə həmin əraziyə avtomobilini park edən başqa bir sürücü tərəfindən xəbər tutub.

Bundan sonra hadisə yerinə xilasetmə xidmətinin əməkdaşları cəlb edilib və avtomobil sudan çıxarılaraq sahibinə təhvil verilib.

Sözügedən hadisənin videosunu təqdim edirik:

Namiq Musayev