Gəncənin “avtoş” sürücüsü baxın necə “şou” göstərdi - 02-BM-168 - VİDEO

Gəncədə yol hərəkəti qaydalarını kobud şəkildə pozan sürücü özünü videoya çəkərək “TikTok” sosial platformasında paylaşıb.

Avtosfer.az-ın məlumatına görə, 02-BM-168 dövlət nömrə nişanlı “VAZ-2106” markalı avtomobilin sürücüsü avtoxuliqanlıq edib.
Videodan görünür ki, sürücü gah sağdan, gah da soldan hərəkətdə olan maşınları ötərək təhlükəli manevrlər edib. Hətta o, əks istiqamətli yola çıxıb və bu zaman qarşıdan gələn nəqliyyat vasitəsi ilə toqquşmaqdan son anda xilas olub. Nəticədə sürücü özüylə yanaşı avtomobildə olan sərnişinlərin də həyatını riskə atıb.

Digər görüntülərdə isə o, yenidən riskli manevrlər edərək hərəkət iştirakçılarına qəza şəraiti yaradıb.

Bundan əlavə, sürücü avtomobili ön dövlət nömrə nişanı olmadan idarə edib və nəqliyyat vasitəsinin konstruksiyasına müdaxilə edib.

Nərmin