Hansı ehtiyat hissələrini ikinci əl almaq məsləhət deyil? – Mütəxəssis AÇIQLADI - VİDEO

Son vaxtlar avtomobil sahibləri arasında ikinci əl ehtiyat hissələrinin alınması geniş yayılıb. Bəzi detalların yenisinin bahalı olması və ya bazarda tapılmaması sürücüləri alternativ yollara yönəldir. Lakin ekspertlər bildirirlər ki, bütün hissələri ikinci əl almaq mümkün və təhlükəsiz deyil. Bu səbəbdən mövzu ilə bağlı şəffaf və aydın izaha ehtiyac var.

Məsələ ilə bağlı avtomobil mütəxəssisi Elçin Abbasov Avtosfer.az-a müsahibəsində ikinci əl ehtiyat hissələri haqqında fikirlərini bölüşüb. Bildirib ki, elə ehtiyat hissələri var ki, ikinci əl çeşidinin istifadəsi qeyri-mümkündür:

“Məsələn, filtrlər. Filtrlər aydındır ki, ikinci əli olmaz. Bu detalla müəyyən müddətdən sonra sıradan çıxır və ya alışma şamları və əyləc qəlibləri. Bunun ikincisinin heç bir əhəmiyyəti yoxdur. Mütləq şəkildə yenisi olmalıdır.

İkinci əl ehtiyat hissələri gövdəyə aid olan listlər ola bilər. Burada əgər çürümə baş verməyibsə, problem yoxdursa, siz onu rahatlıqla yerləşdirə bilərsiniz, heç bir maneə yoxdur.

Elektronikaya aid olan hissələr də ikinci əldirsə, onu istifadə eləmək olar. Bunun da belə bir problemi yoxdur.
İşlək hissələrdə olan, məsələn, sükan mexanizmidir, qollardır… Bunlar artıq işləmə prosesində yeyilə bilən detallardır. Olsun mühərrikin özü, ötürmələr qutusu, differensia. Bunlar işləmə prosesində yeyilən hissələrdir. Bunu artıq alanda fikir vermək lazımdır ki, bu nə qədər yaşayıb və bundan sonra nə qədər yaşaya bilər”.

Eltac Zülfüqaroğlu