İki azyaşlı nəvəsini itirən babadan sürücülərə ÇAĞRIŞ - Nişan qoyulmalıdır - VİDEO

Xəbər verdiyimiz kimi, bu gün səhər saatlarında Lənkəranda məktəblilərin ölümü ilə nəticələnən ağır yol qəzası baş verib. Hərəkətdə olan "Mercedes" markalı avtomobil məktəbə gedən şagirdlər – 2017-ci il təvəllüdlü Gülay Əlizadə və 2016-cı il təvəllüdlü Ramid Əliyevi vurub.
Uşaqlar ağır vəziyyətdə Lənkəran Rayon Mərkəzi Xəstəxanasına çatdırılsalar da, onların həyatını xilas etmək mümkün olmayıb. 

Avtosfer.az xəbər verir ki, mərhum bacı-qardaşın babası hadisənin detallarını açıqlayıb.

Qəzada nəvələrini itirən baba hadisədən sonra çətinliklə də olsa, televiziyalara açıqlama verib.

“Dövlət qurumlarından xahiş edirəm. Bu yol barədə tədbir görsünlər. Burada artıq neçənci dəfədir ki, yol-nəqliyyat hadisəsi baş verib. Yol nişanları qoyulmalıdır. “Mercedes”in sürücüsü sürət həddini aşdığına görə qəza törədib. Uşaqlar səhər məktəbə gedirdi, evlə məktəbin arasında 300 metr məsafə var. Elə evdən 200 metr aralıda hadisə baş verib”