Mağazadan oğurluq edib polisdən qaçarkən qəzaya düşüb öldü - VİDEO

Mağazadan oğurluq edib polislərdən qaçan şəxs yol qəzası törədərək ölüb. Avtosfer.az xəbər verir ki, hadisə ABŞ-nin Los-Anceles bölgəsində baş verib.

Belə ki, təxminən saat 10.00 radələrində Ventura Bulvarı yaxınlığındakı mağazaların birində oğurluq hadisəsi baş verib və bu barədə mağaza işçiləri polisə məlumat veriblər. Polis əməkdaşlarının gəldiyini görən cinayətkar avtomobilə minərək hadisə yerindən qaçmağa başlayıb. Havadan və yerdən təqibə başlayan polis əməkdaşları bir müddət onu qovublar. Saatda 180 km/saat sürətlə irəliləyən cinayətkar qarşıda hərəkətdə olan yük maşınına çırpılacağanı görüb manevr etsə də, bundan yayına bilməyərək qəza törədib.  Zərbənin təsirindən avtomobilin sol tərəfi deformasiyaya uğrayıb, sürücü isə asılı qalaraq nəqliyyat vasitəsi ilə birgə bir neçə metr sürüklənib.

Məlumata görə, hadisə nəticəsində cinayətkar şəxs hadisə yerində ölüb.

Həmçinin qeyd edilir ki, onun mağazadan dəyəri 950 dollardan çox mal oğurladığı da məlum olub.

Namiq Musayev