Neftbazanın keçmiş baş direktorunun nəvəsi “BMW X6” ilə gənc qızı vurdu - VİDEO

Rusiyada oliqarxın nəvəsi “BMW X6” ilə gənc qıza ağır xəsarətlər yetirib.

Avtosfer.az xəbər verir ki, hadisə Moskva vilayətinin Noginsk şəhərində baş verib. Bu barədə “Telegram 112” kanalı məlumat yayıb.

Bildirilir ki, “Martın 22-də Dekabristov küçəsində “Neft-Servis” neft bazasının mərhum baş direktoru Leonid Tarasenkonun nəvəsi Nikita Tarasenko yüksək sürətlə idarə etdiyi “BMW X6” markalı avtomobil “Lada” ilə toqquşub. Zərbədən təsirindən idarəetmədən çıxan “X6” yol kənarında dayanmış 19 yaşlı qızı vurub.

Hadisə nəticəsində qız ağır bədən xəsarətləri alıb və hazırda həkimlər onun həyatı üçün mübarizə aparırlar.

Hadisə şahidləri Nikita Tarasenkonun daim yol hərəkəti qaydalarını pozduğunu, sərxoş vəziyyətdə və dövlət nömrə nişanı olmadan avtomobil idarə etdiyini iddia edirlər.

Qeyd edək ki, “Neft-Servis” neft bazasının baş direktoru Leonid Tarasenko 2017-ci ildə vəfat edib.

Namiq Musayev