Oğurladıqları avtomobillə polisdən qaçan şəxslər qəzaya düşüblər - VİDEO

Oğurladıqları avtomobillə polisdən qaçan şəxslər qəzaya düşüblər. Avtosfer.az xəbər verir ki, ABŞ-nin Çikaqo şəhərində baş verən hadisə anı kameraya düşüb.

Belə ki, dörd nəfər silahlanmış şəxs oğurladıqları avtomobillə polisin təqibindən yayınmağa çalışıblar. Lakin bir müddət sonra yüksək sürətlə idarə olunan avtomobil sürücünün idarəetməsindən çıxaraq yol kənarındakı kafeyə çırpılıb.

Qəzadan sonra piyada qaçmağa cəhd göstərən 2 nəfər və nəqliyyat vasitəsində olan daha 2 nəfər - 17 yaşlı yeniyetmə, 22 yaşlı kişi, 23 yaşlı qadın və 26 yaşlı kişi saxlanılıblar.

Cinayətkarlar yüngül xəsarətlərlə yerli xəstəxanalara yerləşdiriliblər. Onların vəziyyəti qənaətbəxş olaraq qiymətləndirilir.

Polis əməkdaşları avtomobildə aparılan axtarış zamanı dörd ədəd odlu silah aşkar edərək götürüblər.

Hadisə ilə bağlı araşdırmalar davam edir.

Sözügedən hadisənin anbaan görüntülərini təqdim edirik:

Namiq Musayev